FacebooktwitterredditpinterestlinkedinmailFacebooktwitterredditpinterestlinkedinmailby feather

නීරෝගී වෙන්න Super 8 Achieve කරන්න   

38758063ලංකාවේ දිනකට සිදුවන මරණවල සාමාන්‍ය අගය 350 ක්. මෙයින් 250 ක්ම සිදුවන්නේ බෝ නොවන රෝග වැළදීම හේතුවෙන්. මේ ප්‍රමණයෙනුත් හරි අඩකට වඩා මරණ සංඛ්‍යවක් සිදුවන්නේ හෘදයාබාධ හේතුවෙන්. සංඛ්‍යාත්මකව 150 ක් පමණ. බෝවන රෝග ව්‍යාප්තිය මැඩ පැවැත්වීම වගේම බෝ නොවන රෝග ව්‍යාප්තිය කෙරෙහිත් අපේ දැඩි අවධානය යොමු කල යුතු බව ඉහත දත්තවලට අනුව අනුව නිගමනය වේ. ක්‍රමයෙන් වැඩිවන මේ අවධානම් තත්වය සමනය කරන්න හැකිවන සෞඛ්‍ය පුරුදු අටක් ජනතාවට ශ්‍රී ලංකා ප්‍රජා වෛද්‍ය සංගමය මගින් හදුන්වා දී ඇත. මේ සියල්ල පෞද්ගලිකව සපුරාගත යුතු ඉලක්ක  ලෙස ඔවුන් හදුන්වාදෙන අතර මේ ඉලක්ක සපුරා ගැනීමෙන් හෘදයාබාධ, දියවැඩියා හා පිළිකා වැනි රෝගයන්ට ගොදුරු වීම වළක්වා ගත හැකි බවත් වෛද්‍ය මණ්ඩලය පෙන්වා දෙනව.

1.  ශරීරයේ උසට ගැලපෙන තරමට බර පවත්වා ගැනීම ප්‍රථම ඉලක්කයයි. මෙම අගය (BMI)  18.5 හා 24.9 අතර පවත්වා ගත යුතුයි. ප්‍රශස්ත අගය වෙන්නේ 21 මෙම සංඛ්‍යාව 24.9 අභිබවා යන්නේ නම් හෘදයාබාධ සදහා වූ අවධානම ක්‍රමයෙන් වැඩි වේ. මේ අගය මැනගන්න ඒ සදහා වූ වගුවක් තියනෙව.

2.  දෙවන ඉලක්කය වන්නේ දිනකදී ගන්නා වූ සියලුම අහාර වලින් ශරීරයට ලැබෙන ලුණු උපරිමයෙන් Eat-Less-Saltතේ හැදි එකකට සීමා කිරීම. මේ අනුව 400g ක් වූ ලුණු සාමාජිකයන් හතර දෙනෙකුගෙන් යුත් පවුලකට දින 20 කට වඩා සැහෙයි.

fc7a2b0aabf8498cab595b31481b801d3.  ප්‍රධාන අහාර වේල්වලට අමතරව ගන්නා රස කෑම බීමවලින් සිරුරට ලැබෙන සීනි ප්‍රමාණය උපරිමයෙන් තේ හැදී හයක් ලෙස සීමා කිරීම.  හොදින් මතක තියාගන්න මේ ප්‍රමාණය දැනට දියවැඩිය රෝගී තත්ත්වයෙන් නොපෙළෙන නීරෝගී පුද්ගලයන්ට පමණයි.දියවැඩියාවෙන් පෙලෙනවානම් ඔබගේ වෛද්‍යවරයාගේ උපදෙස් අනුවයි ආහාර ගත යුත්තේ. කෙසේ වෙතත් පිපාසයට හොදම පානය පිරිසිදුttt ජලය බවත් පැණිබීම නොවන බවත් හැමවිටම සිහි කැදවා ගන්න.

4.  දිනපතා ආහාරවලට එළවලු හා පළතුරු 400g ක් වත් එකතු කරගත යුතුයි. එවිට එළවලු හා පළතුරු ආහාරයට ගැනීමෙන් පිළිකා අවදානම අඩු වේ.

Fast-Fat-Burning-Exercises5.  පස්වන ඉලක්කය අවශ්‍ය ප්‍රමාණයට ව්‍යායාමයේ යෙදීමයි. දිනකට අඩුම වශයෙන් විනාඩි 30 ක් වත් මුලු සිරුරම වෙහෙසවා ව්‍යායාම හෝ අන් ක්‍රියාකාරකමක යෙදීම. මේ නිසා හෘදයාබාධ හා දියවැඩියාව ඇතිවීමේ අවදානම බෙහෙවින් අඩු වේ.

6.  මීලග ඉලක්කය වෙන්නේ තෙල් හා මේද අධික ආහාර ගැනීම අවම කිරීමයි. විශේෂයෙන්ම (Trans) ට්‍රාන්ස් මේදය සහිත අහර අධිකව ගැනීමෙන් වැළකීමෙන් හෘද රෝග හා පිළිකා වැළදීමේ අවදානම අඩු කරයි.

images

7.  දුම්වැටි හා මත්පැන්වලින් මුළුමනින්ම ඉවත්වීම. දුම් පානය සම්පූර්ණයෙන්ම නැවත් වූ සැනින් හෘද රෝග අවදානම 50% කින් අඩු වේ.

8.  මෙන්න අවසාන ඉලක්කය. අවසාන ඉලක්කය වන්නේ රුධිර පීඩනය 140/90 උපරිමයට යටත්ව පවත්වා ගැනීමයි.

මේ කිසිම ඉලක්කයක් අපහසු නැත. එකිනෙකට හැම එකක්ම බැදී පවතින නිසා ඉලක්කයන් සපුරා ගන්නා විට සෑහෙන රෝග ප්‍රමාණයකින් වැළකෙනව. උදාහරණ ලෙස BMI දර්ශකයට අනුව බර පාලනය කරන්න අවශ්‍ය නම් ව්‍යායාම කරන්නම වෙනව. පැණිරස කෑම බීම අඩු කරන්න වෙනව. මේ අනුව ජීවන රටාව වෙනස් වෙනකොට හෘදයබාද අවදානමත් නැති වෙලා යනව.

විශේෂඥ්ඥ  වෛද්‍ය මතය වන්නේ බොහෝ බෝ නොවන රෝගී තත්වයන් යහපත් සෞක්‍ය මත් ජීවන රටාවක් පවත්වාගෙන යනවා නම් පාලනය කරන්න පුළුවන් බවයි.

සෞඛ්‍ය ප්‍රවර්ධන කාර්යාංශයේ සම්මන්ත්‍රණයක් ඇසුරිනි.
By Palitha Bandara